- slide, ஆன்மீக அறிவியல், ஆன்மீக சுற்றுலா, தற்போதைய செய்திகள்

சீனாவில் திருக்கானிசுரம் என்ற சிவன் கோயில் தமிழ் கல்வெட்டு கிடைத்தது!

சீனாவில் திருக்கானிசுரம் என்ற பெயரில் சிவன் கோயில் இருந்ததற்கான ஆதாரம் கிடைத்தது!!

13-ம் நூற்றாண்டு தமிழ்மொழி கல்வெட்டு சீனாவில் கிடைத்தது!!

பழநி கல்வெட்டு

இந்தியாவில் கிடைத்திருக்கும் கல்வெட்டுகளில் அதிக எண்ணிக்கையிலானவை தமிழ் மொழிக் கல்வெட்டுகள்தான். பல நூற்றாண்டுகளுக்கு முன்பாகவே பல்வேறு நாடுகளோடு வணிக மற்றும் கலை கலாசாரத் தொடர்புகொண்டிருந்தவர்கள் தமிழர்கள். இதில் மாற்றுக் கருத்து இல்லை இதை, இந்தியாவைக் கடந்து கிடைக்கும் கல்வெட்டுகள், வரலாற்று ஆர்வலர்கள் தெரியப்படுத்துகிறது.

இதை உறுதி படுத்தும் வகையில் தற்போது தமிழ்க் கல்வெட்டு ஒன்று சீனாவிலும் கிடைத்திருக்கிறது. தென் கிழக்கு சீனாவின் பழங்காலத் துறைமுகப் பட்டினமான குவான் ஸோ ( quan zhou) எனும் ஊரில் கிடைத்துள்ளது. இதே ஊரில் பல ஆண்டுகளுக்கு முன்பு தமிழ் மற்றும் சீன மொழிகளில் பொறிக்கப்பட்ட 13-ம் நூற்றாண்டைச் சேர்ந்த கல்வெட்டு ஒன்றும் கிடைத்தது. இந்தக் கல்வெட்டில், தமிழகத்தைச் சேர்ந்த சித்தர் ஒருவர் எழுப்பிய சிவன் கோயில் பற்றிய செய்தி காணப்படுகிறது.

சீனாவில் கிடைத்திருக்கும் இந்தக் கல்வெட்டு பற்றி தொல்லியல் ஆய்வாளர் நாராயணமூர்த்தி கூறியதாவது, “சீனாவில் புதிதாகக் கிடைத்திருக்கும் கல்வெட்டு 13-ம் நூற்றாண்டைச் சேர்ந்தது என்றும். அந்தக் கல்வெட்டின் மேல் பகுதி தமிழிலும் கீழ்ப்பகுதியில் சீனமொழியிலும் பொறிக்கப்பட்டுள்ளது. இந்த கல்வெட்டில் உள்ள பாடல் ஆசிரியப்பா பாடல் வகையில் தொடங்குகிறது.

‘ஹரி ஓம்
வைய்ய நீருக மாமழை மன்னுக மெய் மெய் விரும்பிய அன்பர் விளங்குக சைவ நன்னெறிதான்
தழைத்தோங்கே தெய்வ (வெண்) திருநீறு சிறக்கவே’

தமிழகத்தில், குறிப்பாகப் பழநி பகுதிகளில் கிடைத்திருக்கும் சில செப்பேடுகள் மற்றும் ஓலைச் சுவடிகளிலும் இந்தப் பாடல் வரிகளோடு தொடங்குவதைக் காண முடிகிறது.

சீனாவில் ஆட்சிபுரிந்த செங்கிஸ்கானின் பேரனான குப்ளாய்கானின் காலத்தில் தமிழகத்தைச் சேர்ந்த சம்பந்தம் பெருமாள் எனும் சித்தரும் அங்கு வாழ்ந்தார். குப்ளாய் கான் நோய்வாய்ப்பட்டபோது அங்கு வாழ்ந்த சித்தர், அரசன் உடல் நலம் பெற வேண்டி அங்கு ஒரு சிவன் கோயிலை எழுப்பி, அதற்கு மன்னரின் பெயரிலேயே `திருக்கானிசுரம்’ என்று பெயரும் வைத்திருந்தார். இந்தச் செய்தியானது, தமிழ் மற்றும் சீன மொழிகளில் கி.பி 1281-ம் ஆண்டு பொறிக்கப்பட்ட கல்வெட்டு மூலம் தெரியவருகிறது. தற்போது அதேபகுதியில் புதிதாகக் கிடைத்த இந்தப் புதிய கல்வெட்டின் எழுத்தமைதி 13-ம் நூற்றாண்டை ஒத்திருக்கிறது. மேலும், இந்தக் கல்வெட்டில் சைவ நெறி தழைத்தோங்க என்று பொறிக்கப்பட்டிருப்பதால், இந்தப் புது கல்வெட்டும் சித்தர் சம்பந்தப் பெருமாளே அமைத்திருக்கலாம் என்று கருதப்படுகிறது.

தமிழ் மொழிக்குக் கீழே பொறிக்கப்பட்டுள்ள சீன எழுத்து மிகவும் சிதைந்து போயிருக்கிறது. சீனாவுடன் பழந்தமிழகம் மிக நல்ல தொடர்பில் இருந்ததை இதன் மூலம் அறியமுடிகிறது” என்று தெரிவித்தார் தொல்லியல் ஆய்வாளர் நாராயணமூர்த்தி.

ஓம் நமசிவாய:

இந்துசமயம் செய்திகளை உடனுக்குடன் உங்களுடைய “Whatsapp” எண்ணில் இலவசமாக பெற ” 9176593352 “என்ற WhatsApp- எண்ணிற்கு ACT FREE என்று வாட்ஸப்பில் மெசேஜ் அனுப்பவும்.

About hindusamayam

Read All Posts By hindusamayam

Leave a Reply

Your email address will not be published. Required fields are marked *